Kryeministri Edi Rama ka ndarë një lajm pozitiv nga Berati, duke bërë të ditur se Muzeu Kombëtar i Ikonografisë Onufri ka kaluar shifrën domethënëse prej mbi 100 mijë vizitorësh për të dytin vit radhazi.
Përmes një postimi në Facebook, Rama thekson se kjo arritje është regjistruar edhe gjatë vitit 2025, duke e cilësuar si një tregues të rëndësishëm të interesit në rritje për trashëgiminë kulturore dhe historike të vendit.
“Mirëmëngjes dhe me këtë lajm të bukur nga Berati, ku për të dytin vit radhazi, në vitin 2025, Muzeu Kombëtar i Ikonografisë Onufri ka kaluar shifrën domethënëse prej mbi 100 mijë vizitorësh, ju uroj një fundjavë të mbarë”, shkruan Rama.
