Në ndeshjen e sotme në “Anfield” përballen dy nga skuadrat më në formë të Premier League, Liverpooli dhe Leeds.
Skuadra e Liverpoolit do të paraqitet pa yllin Mohamed Salah, i cili është i angazhuar në Kampionatin e Afrikës. Po ashtu, Alexander Isak do të mungojë për disa muaj për shkak të një frakture në këmbë.
Megjithatë, “The Reds” janë përforcuar me rikthimin e Cody Gakpo-s, si dhe të Dominic Szoboszlai-t, i cili kthehet pas pezullimit.
Nga ana tjetër, Leeds vuan disa mungesa të rëndësishme. Daniel James dhe Sean Longstaff janë jashtë për shkak dëmtimesh, ndërsa mungon edhe mbrojtësi qendror Joe Rodon.
Sidoqoftë, rikthimi i Lukas Nmecha-s i jep më shumë alternativa repartit ofensiv. Leeds vjen në këtë sfidë me një formë pozitive, duke regjistruar dy fitore dhe tri barazime në ndeshjet e fundit.
Statistikat historike janë në favor të Liverpoolit, i cili ka fituar 63 nga 92 përballjet totale mes dy ekipeve. Megjithatë, Leeds ka treguar se di të rivalizojë, duke barazuar 3-3 në ndeshjen e fundit të zhvilluar në “Elland Road”.
Të dy skuadrat synojnë përmirësimin e pozicioneve në renditje. Liverpooli ndodhet në vendin e katërt, me tri pikë më shumë, ndërsa Leeds kërkon të ruajë serinë e pamposhtur që nga mesi i dhjetorit.
Formacionet e pritura pritet të kenë ndikim vendimtar, veçanërisht duke pasur parasysh paqëndrueshmërinë e Liverpoolit në mbrojtje këtë sezon, ndryshe nga sezoni i kaluar kur ishte ndër më të fortat në kampionat.
