Presidentja e Kosovës, Vjosa Osmani, ka përcjellë një urim për festën e Vitit të Ri, ku ka theksuar rëndësinë e reflektimit për vitin që jemi duke mbyllur dhe angazhhimin për një të ardhme më të sigurtë.
Osmani ka vlerësuar vitin që lamë pas si një periudhë me sfida, por edhe me vendime të rëndësishme dhe përparime të dukshme në forcimin e pozitës ndërkombëtare të Kosovës.
Më tej ajo ka theksuar se Kosova, ka treguar vendosmëri në mbrojtjen e rendit kushtetues dhe po ashtu interest shtetëror.
Ajo përmendi gjithashtu se ndonëse viti ka qenë sfidues edhe për shkak të vonesave në themelimin e institucioneve, ai ka dëshmuar forcën e demokracisë dhe të qytetarëve të Kosovës, duke vlerësuar kontributin e punëtorëve, policëve, ushtarakëve, mësuesve, mjekëve, të rinjve, grave, si dhe mërgatës shqiptare.
Teksa ishte duke folur për vitin që na pret, Osmani u shpreh se Kosova, hyn në këtë vit të ri me synime të qarta dhe përgjegjësi të reja.
“Le të jetë viti 2026 një vit suksesi për secilin prej jush dhe për Republikën tonë,” përfundoi Osmani, duke uruar Gëzuar Vitin e Ri për Kosovën dhe qytetarët.
