Rey Mysterio Sr, një nga figurat më të njohura dhe të dashura të sporteve luftarake, ka ndërruar jetë në moshën 66-vjeçare. Lajmi është bërë i ditur nga mediat ndërkombëtare, të cilat citonin familjen e legjendës së WWE, e cila ka konfirmuar vdekjen e tij. Shkaku i vdekjes së papritur ende nuk është zbuluar.
I lindur në Tijuana, Meksikë, ai filloi karrierën e tij në ring që në vitin 1976 dhe e vazhdoi me pasion deri vitin e kaluar, kur bëri paraqitjen e tij të fundit. Mysterio Sr ishte një figurë e paharrueshme në botën e luchadores, duke lënë pas një trashëgimi të fuqishme në sportin e wrestlingut.
Nipi i tij, Oscar Gutierrez Rubio, i njohur si Rey Mysterio Jr., ka vazhduar me sukses traditën familjare, duke e sjellë trashëgiminë e Rey Mysterio Sr. në skenën ndërkombëtare të WWE.
Lajmi i vdekjes së Rey Mysterio Sr. ka trishtuar mijëra fansa dhe kolegë të tij, të cilët e kujtojnë si një legjendë të padiskutueshme të wrestlingut dhe një emër që do të mbetet përherë në historinë e sporteve luftarake.
