Këngëtari Gjesti ka reaguar për herë të parë publikisht pas humbjes tragjike të vëllait të tij, Elidion Kelmendi. Përmes një videoje në rrjete sociale, ai ka falënderuar ndjekësit dhe të gjithë ata që i kanë qëndruar pranë gjatë kësaj periudhe të vështirë për të dhe familjen e tij.
Gjesti shprehet se ka zgjedhur të qëndrojë larg rrjeteve sociale për t’u përqendruar tek vetja dhe familja, duke theksuar se mbështetja e publikut ka qenë gjithmonë në mendjen dhe zemrën e tij. Ai u uron të gjithëve shëndet, lumturi dhe mbarësi për vitin e ri.
Në fund të mesazhit, këngëtari zbulon edhe lajmin e rikthimit të tij artistik, duke njoftuar se në janar të vitit 2026 do t’i rikthehet muzikës, aty ku thotë se e ka vendin. Gjesti e mbyll mesazhin me mirënjohje dhe dashuri për fansat e tij.
