Politikanët shqiptarë kanë përcjellë sot urimet e Krishtlindjes për të gjithë besimtarët
Presidenti Bajram Begaj uroi të gjithë qytetarët që e festojnë përmes një postimi në X, ndërsa shkruan: Krishtlindje të gëzuara, plot shpresë e begati për të gjithë miqtë tanë të krishterë! Le të jetë kjo Krishtlindje burim paqeje dhe gëzimi, si dhe një mundësi për të kaluar çaste të lumtura me njerëzit tuaj më të dashur”.
Ndërkohë edhe Kryeministri Edi Rama uroi të gjithë besimtarët përmes një postimi në rrjetet sociale, krahas një imazhi të shkëputur nga frontespici i veprës monumentale të Pjetër Bogdanit, “Çeta e Profetëve”,.
“MIRËMËNGJES dhe me këtë imazh të shkëputur nga frontespici i veprës monumentale të Pjetër Bogdanit, “Çeta e Profetëve”, ju uroj Gëzuar Krishtlindjen”, shkruan Rama.
