Një krim tronditës ka ndodhur në Zvicër, ku viktimë ka mbetur një grua e moshuar shqiptare.
Sipas mediave të huaja, ngjarja ka ndodhur në Zyrih ku një 71-vjeçare nga Kosova u gjet e pajetë në një banesë. Ekipet e emergjencës që mbërritën në vendngjarje mundën vetëm të konfirmonin vdekjen e gruas. Në lidhje me ngjarjen janë arrestuar 3 persona që u gjetën në banesë bashkë me viktimën, konkretisht një grua zvicerane 48-vjeçare dhe dy burra zviceranë, të moshës 27 dhe 51 vjeç.
Rrethanat e krimit dhe motivet që mund të kenë çuar deri në vrasjen mbeten ende të paqarta po hetimet vijojnë.
