Sali Berisha mbajti fjalën e tij në protestën kombëtare të opozitës përpara kryeministrisë.
Në nisje të fjalës, Berisha falënderoi qytetarët pjesëmarrës, duke i cilësuar ata si “uragan i shpresës, besimit dhe shpëtimit të Shqipërisë”.
Berisha deklaroi se vendi ndodhet në një nga momentet më kritike të historisë së tij, duke theksuar se në 10 vitet e fundit Shqipëria ka përjetuar një shpopullim të pashembullt. Ai tha se shqiptarët janë pakësuar më shumë se në periudha pushtimesh, epidemish apo krizash të mëdha, ndërsa vendi ka humbur mbi gjysmën e rinisë së tij.
Berisha tha se kryeministri ka vendosur veten mbi ligjin, ndërsa është pasuruar në kurriz të popullit.
Berisha: “Nderimin më të madh ju burrat dhe gratë djemve dhe vajzave që u ngritët sot si uragan i shpresës besimit, shpëtimit, të Shqipërisë dhe shqiptarëve. Të dashur miq ju flas sot në një nga momentet më kritike të kombit jo vetëm në 35 vitet e fundit por ndofta gjatë gjithë historisë së tij mijëravjeçare, në 10 vjetët e fundit shqiptarët janë pakësuar më shumë se nga çdo epidemi, pushtim, zi buke dhe çdo gjë tjetër. Shqiptarët në 10 vitet e këtij regjimi, kanë shkuar prapa 100 vite, për lindshmërinë e tyre.
Sot ata kaë humbur mbi gjysmën e rinisë së vet. Kanë humbur të ardhmen dhe çdo vit bëhen gjithnjë më pak në këtë dhe të bekuar. Mblidhemi në një moment kritik, ndofta si kurrë më parë sepse Edi Rama, pasi shndërroi zgjedhjet në farsë elektorale del se ka vendosur të bëhet multimld me paratë tuaja me pasuritë tuaja publike. Dhe jo vetëm kaq ka vendosur veten mbi ligjin kushtetutën mbi çdo pushtet dhe na thotë nga Surreli se unë ju shumëzoj me 0. Jam mbi ligjin dhe kushtetutën. Edi Rama hidhi sytë këtij bulevardi, nga sonte kurrë nuk do njihesh më si kryeministër, por si kapo bandë.”
