Ish-deputeti i Partisë Demokratike, Ervin Salianji, i është bashkuar mbrëmjen e sotme protestës kombëtare të opozitës, e zhvilluar në bulevardin përpara Kryeministria.
Në një komunikim për mediat, Salianji u shpreh se qeveria aktuale, e drejtuar nga Edi Rama, është e zhytur në skandale dhe ka humbur legjitimitetin për të qeverisur vendin.
“Qeveria ka rënë në të gjitha dimensionet. Skandalet e fundit që lidhen me AKSHI dhe Belinda Balluku kanë treguar se gjithçka në këtë vend bëhet për interesa personale të Edi Ramës dhe të një grupi të vogël njerëzish. Për këtë arsye, opozita dhe qytetarët duhet të jenë të gjithë në shesh, në përballje të drejtpërdrejtë me qeverinë”, deklaroi Salianji.
Salianji ka nisur prej ditësh një foltore me qytetarët dhe mbështetësit demokrat në Shqipëri e cila është kritikuar nga drejtuesit e PD-së.
