Përplasje në Komisionin e Etikës: Noka Konfliktohet me Deputetët e PS, Mbledhja Ndërpritet
Ka nisur me tension sot mbledhja e Komisionit të Etikës, ku do të diskutohej kërkesa e grupit parlamentar socialist për masat ndaj 24 deputetëve demokratë, që sipas socialistëve shkaktuan tensione në seancën e fundit parlamentare.
Ishte deputeti demokrat Flamur Noka që sapo ka hyrë në sallën ku do të mbahej mbledhja e Etikës ka kërkuar nxjerrjen jashtë të Gardës së Republikës.
“Hajdutë”, i është drejtuar Noka fillimisht socialistëve në sallë dhe më pas ka kërkuar që efektivët e Gardës të dalin nga salla.
“Garda të dalë jashtë, ky është Kuvendi i Shqipërisë”, dëgjohen thirrjet e Nokës.
Tensionet kanë zgjatur disa minuta duke detyruar Klotilda Bushkën të ndërpresë mbledhjen.
