Kryeministri i Kosovës, Albin Kurti gjatë fjalës nga Kuvendi foli për bashkëpunimin mes Shqipërisë dje Kosovës përgjatë viteve.
Që në nisje të fjalimit të tij Kurti shprehu aspiratën e dy shteteve tona atë të bashkimit kombëtar dhe ruajtjen e identitetit.
“Të nderuar deputetët të dy republikave tona. Sot më Prishtinë është moti i ftohtë, por nuk besoj se ndikon në atmosferën në Kuvend. Nuk ka si të ndodhte ndryshe, dy republikat janë Parlamentare dhe ju deputetët përfaqësoni qytetarët e dy shteteve dhe pjesëtarët e të njëjtit komb. Dy shtetet tona janë shprehje politike e së njëjtës aspiratë për ruajtjen e identitetit dhe bashkimin kombëtar. Legjislatura e parë e Shqipërisë e njohu Kosovës në 1991”.
Sipas Kurtit, kufiri mes Shqipërisë dhe Kosovës është si kufiri i dy barkusheve të zemrës, teksa citoi artistin Primo Shllakun.
Gjatë fjalës së tij në seancën e përbashkët plenare në Prishtinë, Kurti përmendi disa nga marrëveshjet e arritura mes qeverive, ku tha se “nuk duhet të mburremi për arritjet mes Shqipërisë dhe Kosovës pasi ka ende shumë punë për të bërë për qytetarët”.
Shpreh kënaqësi që sot dy kuvendet bëjnë bilancin. Që nga mbrojtja infrastruktura, turizmi, lëvizja ndërkufitare, njësimi teksteve shkollore, këto marrëveshja janë tashme të prekshme për qytetarët. Më lejoni të përmend nga marrëveshjet e përbashkëta; lehtësimi i kontrollit të produkteve me origjinë jo shtazore, rehabilitimi i disa segmente rrugore mes dy vende, reduktimi i skanimit të dyfishtë, hapja e korridoreve të reja komerciale, ofrimi i shërbimeve mjekësore.
Bashkëpunimin për lojërat Mesdhetare, fondi i përbashkët për aktivitete teatrore etj. Abetarja e njëjtë mësohet në shkollat tona tashmë. Bashkëpunim për fushën e kërkim-shpëtimin, e shumë të tjera. Jemi të vetëdijshëm që nuk na lejohet vetëkënaqësia, kemi shumë punë për të bërë për të lehtësuar bashkëpunimet për qytetarët tanë. Kufiri mes Shqipërisë dhe Kosovës, është si kufiri i dy barkusheve të zemrës (citon artistin Primo Shllaku)”, u shpreh Kurti.
Kurti e vuri theksin te pakicat shqiptare në rajon dhe tha se në Serbi ato janë më të diskriminuarat. Ai ftoi Shqipërinë që të ndjekë shembullin e Kosovës për sa i përket shqiptarëve të Luginës së Preshevës.
“Komisionet e përbashkëta parlamentare të ndihmonin në këtë drejtim. Kemi punë përpara por edhe të ndihmojmë në jetesën e shëndetshme të shqiptarëve edhe në shtetet fqinje, në RMV dhe Mal të zi, por sidomos në Serbi. Komuniteti shqiptar në Serbi janë më të diskriminuarit në Europë. Shqiptarët nuk janë fajtor që janë autoktonë. Kemi ndarë 400 mijë euro për Luginën e Preshevës. Shpresojmë që të shërbejë edhe për Shqipërinë. Pakicat kombëtare në Kosovë janë bashkë me ne. Kosova e Shqipëria besojnë te të drejtat e njeriut, janë kontribuese të paqes në rajon dhe mbështesin proceset integruese të familjes euroatlantike”.
