“Sulmi i ardhshëm do të jetë fatal për Putinin”.
Kështu e ka përshkruar situatën Sekretari i Përgjithshëm i NATO-s, Mark Rutte, duke e cilësuar momentin aktual si më të rrezikshmin që nga fundi i Luftës së Dytë Botërore.
Sipas tij, qëllimi i aleatëve është të sigurojnë që pas një marrëveshjeje paqeje, Ukraina të mos bëhet më kurrë viktimë e një sulmi të ri nga Rusia.
Për ta arritur këtë, po ndërtohet një sistem tre-nivelësh i frikësimit. Niveli i parë janë Forcat e Armatosura të Ukrainës.
Rutte theksoi se ushtria ukrainase tashmë po bën të pamundurën, por duhet të mbetet e fortë pas luftës ose gjatë një armëpushimi të gjatë.
Niveli i dytë është “koalicioni i gatshëm”, i udhëhequr nga Franca dhe Mbretëria e Bashkuar, me pjesëmarrjen e Gjermanisë dhe shteteve të tjera.
Ky nivel ka për qëllim t’i ofrojë Ukrainës gjithçka të nevojshme, që Kremlini të mos e mendojë asnjëherë një sulm të ri. Niveli i tretë janë Shtetet e Bashkuara.
Aleatët po punojnë aktualisht për të lidhur këto tri elemente në një sistem të vetëm dhe për të transmetuar qartë se Ukraina nuk do të jetë më një objektiv i lehtë.
Rutte gjithashtu nuk e përjashtoi dërgimin e paqeruajtësve evropianë pas një armëpushimi.
Sipas tij, disa shtete kanë shprehur gatishmërinë për të dërguar trupa.
Koncepte e “koalicionit të gatshëm” tani po zhvillohet dhe do të përfshijë veprime në tokë, në ajër dhe në det.
