Autoritetet greke kanë zbuluar dhjetëra bimë kanabis, 34 kilogramë kanabis të tharë dhe armë të rënda gjatë një operacioni të organizuar të zhvilluar ditën e djeshme në Rethymno. Nga informacionet e deritanishme mësohet se janë arrestuar dy persona, një 34-vjeçar grek dhe një shqiptar 32-vjeçar. Ndaj një tjetër 43-vjeçari grek është nën hetim.
Arrestimet u kryen kur sasi të mëdha droge dhe automatikë u gjetën në bodrumin e një rezidence në zonën e Rethymnon. Operacioni është zhvilluar në një vilë 4 katëshe, ku u zbulua një laborator i kultivimit të marijuanës. Brenda tij u gjetën 557 bimë marijuanë dhe 34 kg 476 gram marijuanë.
Kontrollet e policisë kanë zbuluar edhe 10 armë zjarri automatike si dhe 13 mijë e 65 euro. Policia greke bën me dije se janë sekuestruar 34 kilogramë e 476 gramë kanabis të papërpunuar, 557 bimë kanabis, 9 automatikë me karikatorë, një pushkë ushtarake me karikator bosh, 13 065 euro, peshore dhe 3 aparate telefonike. Gjithashtu, është konfiskuar edhe një motoçikletëi cili përdorej si mjet për transportin e lëndëve narkotike.
