FIFA po rikthehet në tregun e lojërave video pas nënshkrimit të një marrëveshjeje me gjigantin amerikan të medias, Netflix. Kjo marrëveshje shënon një kapitull të ri në strategjinë e FIFA-s për lojërat, pas një ndarjeje të dukshme me Electronic Arts, e cila prodhoi serinë e lojërave FIFA për tre dekada. Ky bashkëpunim përfundoi për shkak të mosmarrëveshjeve mbi tarifat e licencës, duke bërë që EA të heqë emrin FIFA dhe të vazhdojë serinë e njohur me titullin EA Sports FC.
Marrëveshja mes FIFA-s dhe Netflix-it do t’i ofrojë lojtarëve një lojë futbolli ekskluzivisht për abonentët e Netflix-it pa kosto shtesë. Lojna është zhvilluar nga studioja Delphi Interactive dhe pritet të dalë në treg në vitin 2026, pak para Kupës së Botës për meshkuj. Alain Tascan, President i Lojrave në Netflix, u shpreh se Kupa e Botës e vitit 2026 do të jetë një ngjarje kulturore e rëndësishme dhe fansat do të kenë mundësinë të përjetojnë emocionet e lojës në shtëpitë e tyre.
Informacionet mbi lojën janë të kufizuara, por Netflix ka njoftuar se lojtarët do të kenë mundësi të garojnë solo ose online me miqtë duke përdorur telefonin e tyre celular. “E vetmja gjë që ju nevojitet është Netflix dhe telefoni juaj,” shtoi kompania. Presidenti i FIFA-s, Gianni Infantino, e përshkroi këtë bashkëpunim si një “çast kyç në angazhimin e FIFA-s për inovacionin në hapësirën e lojërave të futbollit,” duke nënvizuar se organizata është “shumë e emocionuar për t’u bashkuar me Netflix Games dhe Delphi Interactive përpara Kupës së Botës 2026.”
Ai theksoi se “lojna jonë e rifryrë me të vërtetë shënon fillimin e një epoke të re të futbollit digjital.” Ky projekt do të jetë një hap historik për FIFA-n, duke e bërë përvojën e lojës më të aksesueshme për një audiencë më të gjerë. Kjo marrëveshje tregon se FIFA është e angazhuar për t’u përputhur me trendet moderne dhe për të sjellë lojën më afër tifozëve.
