Kryetari i Partisë Demokratike, Sali Berisha, gjatë mbledhjes së sotme të Këshillit Kombëtar të PD-së, tha se mazhoranca nuk largohet nga pushteti pa një reagim të fortë të opozitës.
Berisha akuzoi zv/kryeministren Belinda Balluku për përfshirje në skandale të rënda korruptive, duke u shprehur se masa e pezullimit ndaj saj është e pamjaftueshme dhe se, sipas tij, ajo duhej të ishte arrestuar. Ai shtoi se kryeministri Rama ndodhet nën presion nga Balluku për shkak të materialeve hetimore që ndodhen në dosjet e SPAK.
Sipas Berishës, në dosje ka përgjime dhe mesazhe që tregojnë, sipas tij, se tenderët janë dhënë përmes telefonit, ndërsa ai foli për raste konkrete si tuneli i Llogarasë, të cilin e cilësoi një aferë me vlerë dhjetëra miliona euro.
“Në rastin e tunelin e Llogarasë, Lubia, nuk ka hajdute tjetër kombi sesa ajo, por ajo ka firmos ato që i ka thënë ai, ndaj ky është i angazhuar për mbrojtjen. Iu ofrua, do të ndihmoj i tha, jo i tha, ta zgjidhë ai vetë i tha, jo, jo. E ka kapur për fyti ajo atë. Masa, çfarë pezullimi?
Ai duhet të ishte arrestim. Ata e gjykuan në atë mënyrë, se ishte traumatike. Po më 2011, Ilir Meta, për një regjistrim të manipuluar 29 herë nga Rama dhe Filip Çakulli në zyrë, nuk priti drejtësinë, por bëri 21 janarin. I thashë unë do shkoj sipas standardeve, kush mund të mbronte.
Lotet nga 4 mln euro janë bërë me 17 mln euro, janë ndarë. Pra jemi këtu, jemi në emergjencë, në provën e guximit tonë, nuk ikën ai, harrojeni, po s’u ngritëm ne, harrojeni.
Do nisi me reformën, me 84 votat që na vodhi ne e me të tjera, por jo, ne do flasim. Por këtë herë beteja jonë është me sakrifica, me përballje, nuk mund të tërhiqemi. Jo, kjo është prova jonë e madhe”, tha Berisha.
