Janë bërë publike votat e Lionel Messit për çmimet FIFA The Best, pas ceremonisë vjetore ku u shpërblyen lojtarët, trajnerët dhe portierët më të mirë në futbollin e meshkujve dhe femrave, si dhe u dorëzua çmimi Puskás.
Sistemi i votimit për The Best bazohet në katër grupe me peshë të barabartë: kapitenët e kombëtareve, trajnerët e kombëtareve, media dhe tifozët, ku secili grup zgjedh tre emrat më të mirë.
Sot u publikuan zgjedhjet e kapitenit të Argjentinës dhe yllit të Inter Miami, Lionel Messi (38 vjeç).
Votat e Lionel Messit
Lojtari më i mirë i vitit:
- Ousmane Dembélé
- Kylian Mbappé
- Lamine Yamal
Trajneri më i mirë i vitit:
- Luis Enrique
- Hansi Flick
- Mikel Arteta
Portieri më i mirë i vitit:
- Gianluigi Donnarumma
- Emiliano Martínez
- Thibaut Courtois
Në fakt, Messi “parashikoi” edhe fituesit, pasi të gjithë emrat që ai renditi në vendin e parë në kategoritë përkatëse përfunduan duke fituar çmimin.
