Me një vendim të fundit të Këshillit të Ministrave, është vendosur shkarkimi nga detyra i zëvendës ministres së Arsimit dhe Sportit, Nina Guga. Sipas njoftimit të shpërndarë nga Këshilli i Ministrave, vendimi është marrë në mbështetje të nenit 100 të Kushtetutës dhe të ligjit nr. 9000, datë 30.01.2003, “Për organizimin dhe funksionimin e Këshillit të Ministrave”.
Në vend të znj. Guga, Këshilli i Ministrave ka emëruar Orjana Osmanin si zëvendësministër të Arsimit dhe Sportit. Vendimi për emërimin e znj. Osmani hyn në fuqi menjëherë dhe është marrë gjithashtu me propozimin e Kryeministrit.
Ky ndryshim vjen si pjesë e përpjekjeve për forcimin e strukturave të ministrive dhe përmirësimin e performancës në sektorin e arsimit dhe sporteve.
