Policia e Tiranës ka zbuluar dy lokale të cilat shërbenin për organizimin e lojërave të fatit në mënyrë të paligjshme. Në këtë operacion, janë arrestuar tre persona: pronari, administrator dhe një punonjës i këtyre lokaleve. Kontrollet janë kryer nga specialistët e Hetimit të Krimeve në Komisariatin e Policisë Nr. 4, ku gjatë verifikimeve u konstatua se në këto lokale po zhvilloheshin baste sportive përmes celularëve.
Arrestimet ndodhen në dy lokacione të ndryshme në Tiranë: një lokal në rrugën “Niko Avrami” ku janë arrestuar B. H., 41 vjeç dhe R. K., 21 vjeç, si dhe administratori E. G., 26 vjeç në një lokal tjetër në rrugën “Faik Kulla”. Gjithashtu, janë proceduar në gjendje të lirë dy shtetas, një prejt të cilëve është 17 vjeç, i cili u kap duke vendosur baste në ambientet e lokalit, si dhe M. L., 21 vjeç, gjithashtu i pranishëm në lokal.
Gjatë aksionit, policia konfiskoi 3 celularë, 3 skedina dhe 2 printerë, të cilat ishin përdorur për zhvillimin e aktiviteteve të paligjshme. Këto masa vijnë si pjesë e një operacioni më të gjerë për goditjen e aktivitetit të paligjshëm të lojërave të fatit, një fenomen që është në rritje në vend.
Autoritetet e rendit kanë njoftuar se kontrollet do të vazhdojnë në lokale të tjera për të parandaluar dhe goditur çdo rast tjetër të ngjashëm. Materialet e mbledhura nga hetuesit do t’i referohen Prokurorisë së Tiranës për procedura të mëtejshme. Ky aksion i Policisë erdhi në një kohë kur institucioni është angazhuar për të luftuar fenomenin e lojërave të fatit dhe për t’i dhënë fund aktiviteteve të paligjshme që prekin veçanërisht të rinjtë.
