Grupi Parlamentar i Partisë Demokratike, do të dërgojë në Gjykatën Kushtetuese zgjedhjen e Endri Shabanit si Avokat Populli.
Burime për mediat bëjnë me dije se argumenti i PD është se zgjedhja e Avokatit të Popullit u krye në shkelje të procedurave parlamentare, duke keqpërdorur firmat e deputetëve të PD që i kishin tërhequr paraprakisht.
Ky vendim vjen pas polemikave për një pazar të mundshëm PD-PS për të vendosur Shabanin në krye të këtij posti.
Endri Shabani u zgjodh Avokat Populli më 11 dhjetor 2025, me firmat e Berishës dhe votat e Ramës, proces gjatë të cilit PD u akuzua për tradhëti ndaj demokratëve.
