Harry Kane arrin një sukses të rrallë në karrierë për të ruajtur rekordin pa humbje të Bayern Munich, ndërsa kartoni i kuq i Jobe Bellingham-i i kushton shumë Borussia Dortmundit.
Ndryshe nga Kane,Jobe Bellingham, ish-lojtari i Sunderland, po kalon një periudhë të vështirë që pas transferimit të tij te Borussia Dortmund gjatë verës.
Mesfushori i ri luajti 90 minuta në ndeshjen e Champions League ndaj Bodo/Glimt, paraqitje që i siguroi një vend në formacionin titullar të trajnerit Niko Kovač edhe për sfidën e Bundesligës ndaj Freiburgut.
Dortmundi e nisi mirë ndeshjen dhe kishte mundësinë të ngushtonte diferencën me liderët e kampionatit, Bayern Munich, në vetëm shtatë pikë. Ramy Bensebaini zhbllokoi rezultatin me golin e parë, duke i dhënë avantazh verdhezinjve.
Megjithatë, pjesa e dytë ndryshoi rrjedhën e takimit. Një pasim i gabuar i portierit Gregor Kobel drejt Bellingham e vuri mesfushorin në vështirësi.
Në përpjekje për të ndalur një sulmues të Freiburgut, Bellingham nuk arriti të prekë topin dhe e goditi pa dashje kundërshtarin, duke shkaktuar një rast të qartë shënimi.
Arbitri e ndëshkoi me karton të kuq, përjashtimi i tij i parë me fanellën e Dortmundit dhe i dyti në karrierë.
Pas këtij momenti, Dortmundi humbi kontrollin e lojës dhe Freiburg arriti të barazonte falë një goli spektakolar të Lucas Höler.
Si pasojë e kartonit të kuq, Bellingham pritet të pezullohet të paktën për një ndeshje, duke munguar në takimin e fundit të vitit kundër Borussia Mönchengladbach.
Drejtori sportiv i Dortmundit, Sebastian Kehl, theksoi se situata ishte e evitueshme dhe mbrojti Bellingham, duke nënvizuar se ai nuk ishte fajtor i vetëm. Sipas tij, bëhej fjalë për një zinxhir gabimesh ku ekipi duhej të kishte vepruar më mirë.
Nga ana tjetër, Gregor Kobel mori përgjegjësinë për incidentin, duke shprehur keqardhje dhe duke pranuar se duhej ta kishte ndihmuar më shumë Bellingham.
Kjo ngjarje shton presionin mbi mesfushorin e ri anglez, i cili po përballet me kërkesat dhe pritshmëritë e larta të futbollit në nivel elitar.
