Kryeministri Edi Rama ka zhvilluar një takim me stafin ushtarak dhe atë civil shqiptar në zyrat e NATO-s në Bruksel. Rama duke vlerësuar kontributin e tyre tha se ata janë zgjedhur aty pa asnjë parti.
Me batutë kryeministri tha se shumë gjermanë dhe italianë kanë mbetur pa punë, kjo për shkak se pozicionet në zyrat e NATO-s janë fituar nga stafi shqiptar.
Këtu e vetmja parti që i bashkon të gjithë është partia e vlerave të demokracisë, lirisë. Patjetër që më vjen mirë që në këtë panoramë shoh ushtarakët tanë që siç do thuhej një herë e një kohë, këtu duken si ta jashtëm. Për hir të së vërtetës, të shikuarit nga brenda të realitetit të kësaj trupe njerëzish është një privilegj, sepse shikon jo vetëm potencialin, por edhe shfrytëzimin real të këtij potenciali.
Jam po ashtu dëshmitar që në takimet me kolegë, homologë të vendeve të BE gjithmonë e më shpesh dëgjoj fjalë realisht të bukura për ju, për njerëzit që na përfaqësojnë në nivelet e dyta e të treta të shtetit shqiptar. Mbani vendin e punës që e keni fituar me sprova e teste që janë shumë rigoroze. Jeni krenarë që kushedi se sa italianë, gjermanë, anglezë pa llogaritur të tjerët rreth e rrotull keni lënë pa punë se u keni zënë vendin’, tha ai.
Kryeministri Rama tha se do të një propozime për riintegrimin e tyre në Shqipëri dhe do të punojnë me të njëjtat paga që ata punojnë aktualisht.
‘Ne do të bëjmë propozime për t’ ju riintegruar në shtetin shqiptar me paga të ngjashme, por deri atëherë qëndroni fortë dhe mbani vendin e punës që keni fituar me sporva dhe teste’, tha ai.
