Më 14 dhjetor 2025, u përkujtua 27-vjetori i rënies heroike të komandantit Mujë Krasniqi, i njohur si Kapuçi, dhe 40 bashkëluftëtarëve të tij, që dhanë jetën në kufirin shqiptaro-shqiptar gjatë një operacioni të Ushtrisë Çlirimtare të Kosovës (UÇK). Ngjarja ndodhi në mëngjesin e ftohtë të 14 dhjetorit 1998, kur forcat e UÇK-së u përballën me një pritë të organizuar nga ushtria dhe policia serbe në zonën e njohur si “Te Likenet e Hasit” në Gorozhup të Pashtrikut.
Pas rënies së tyre, trupat e Mujës dhe bashkëluftetarëve u varrosën më 21 dhjetor të atij viti me nderime të larta ushtarake në Polac të Drenicës. Kuvendi i Kosovës, në nder të sakrificës së Mujë Krasniqit, vendosi që 14 dhjetori të shënjohet si datë e rëndësishme, ku Kosova do të votonte për të krijuar forcën e saj ushtarake. Pas kësaj ngjarjeje, Brigada 113 e Drenicës mori emrin e komandantit Krasniqi, e cila gjatë luftës përfundoi me 166 dëshmorë të tjerë.
Mujë Krasniqi ishte një figurë kyçe në UÇK, duke luajtur rol aktiv në ngjarje të rëndësishme, përfshirë daljen publike të Ushtrisë në Llaushë për të nderuar mësuesin Halit Geci, i vrarë nga policia serbe. Ai, së bashku me Rexhep Selimin dhe Daut Haradinaj, organizoi daljen publike të UÇK-së më 28 nëntor 1997, simbolizuar një hap të rëndësishëm në historinë e Kosovës.
Komandanti Krasniqi u dallua për guxim dhe trimëri, duke udhëhequr njësitet e tij në betejat e shumta kundër forcave serbe, jo vetëm në Drenicë, por edhe në Dukagjin. Ai ishte një lider i pamposhtur dhe kontributi i tij në luftën për liri dhe pavarësi do të mbahet mend gjatë në historinë e Kosovës. Rënia e tij shënoi një moment të rëndësishëm në formimin e identitetit kombëtar dhe historik të Kosovës.
