Tifozët e Liverpoolit janë shprehur të impresionuar pas komenteve të legjendës Steven Gerrard për situatën aktuale të Mohamed Salah. Ylli egjiptian ka shfaqur pakënaqësi për trajnerin Arne Slot dhe klubin, pas lënies së tij në stol për ndeshjet e fundit, duke akuzuar klubin se e kishte “hedhur në rrugë”. Ky reagim i Salah ka sjellë kritika, sidomos nga ish-mbrojtësi Jamie Carragher, i cili e quajti deklaratën e tij një turp.
Situata po rëndohet pas një interviste të Salah, ku ai shprehte pakënaqësinë e tij për moslojën. Ai gjithashtu ka lënë hapur mundësinë e debatit me trajnerin, pasi marrëdhënia me të sipas tij ka humbur. Pasaj, ai u la jashtë ndeshjes së Ligës së Kampionëve kundër Interit, duke e thelluar më tej tensionin rreth të ardhmes së tij në klub. E ardhmja e Salahit në Liverpool duket e paqartë, sidomos me afatin e Kupës së Kombeve të Afrikës që po afrohet.
Gerrard, në një prononcim për TNT Sports, shprehu simpati për situatën e Salahit dhe e kuptoi frustrimin e tij. Ai theksoi se nuk është e habitshme që një lojtar të ndjehet i mërzitur kur nuk luan, duke bërë thirrje për komunikim mes Salahit dhe trajnerit për zgjidhjen e çështjeve. Gerrard përmendi se gjëra të tilla janë normale në botën e futbollit, duke cituar përvojat e tij personale me Luis Suarez dhe tensionet që ai ka përjetuar.
Ai përfundoi duke thënë se Liverpooli ka nevojë për Salahin në formën e tij më të mirë dhe se ai është një nga lojtarët më të rëndësishëm në skuadër. Po ashtu, ai u shpreh se këto sfida kërkojnë përkushtim nga të gjithë palët për t’i dhënë fund tensioneve dhe për të rikthyer stabilitetin në skuadër. Situata është më e komplikuar se sa duket, dhe rikthimi i Salah në formën e tij do të jetë kyç për suksese në të ardhmen.
