Është zbardhur dëshmia e Xhino Agos, ish-ortakut i Mondi Mëhallës alias Edmond Hyka, i cili është arrestuar nga policia për vrasjen e biznesmenit, krim i ndodhur mbrëmjen e 30 nëntorit pranë karburantit të viktimës më 30 Nëntor.
Xhino Ago ka treguar intinerarin e tij gjatë ditës së krimit, ku tregon se gjatë paradites ka pirë kafe me viktimën në lokalin pranë karburantit, ndërsa pasdite ka folur me video në WhatsApp.
Madje, sipas dëshmisë së publikuar nga TCH, ka rrëfyer se të dy bashkë e kishin lënë të udhëtonin drejt Tiranës.
Dëshmia e Xhino Agos: Rreth orës 9 të mëngjesit kam dalë nga shtëpia ime dhe me automjetin e markës Hyundai me targa AB 516, automjeti është në emër të kompanisë së një shoku tim, i cili quhet Nazif Bajrami. Rruga që kam ndjekur është në drejtim të qytetit te Elbasanit dhe kam shkuar tek zyrat e taksive, pasi unë jam administrator i “** Taksi”, zyrat e të cilave i kam tek karburanti ‘’Xh*** OIL”.
Më pas kemi dalë në këmbë dhe kemi lëvizur për qark karburantit ku ndodhet magazina dhe kemi ndenjur deri në orën 13:00, ku gjatë kësaj kohe unë kam qenë vetëm me Mondin.
Më pas unë me mjetin e përshkruar më lart jam larguar në të njëjtën rrugë për në banesën time, ndërsa Mondi mori “Range”-in dhe më tha se do të iki për Kavajë për drekë me të shtëpisë.
Mondi më tha se tani do te kthehem nga Kavaja dhe për 20 minuta rreth orës 15:45 jam në Elbasan.
Pas kësaj bisede kemi folur me video në WhatsApp ku i thash Mondit a do të vish me mua në Tiranë, që të çojmë Fatlinda Istrefin në Tiranë, që e njihte dhe Mondi, dhe Mondi më tha Ok do të ikim bashkë dhe do të takohem tek karburanti, pasi unë do i dërgoja dhe kunatin tim Urim Topuzin, i cili do t’i vendoste disa llamba tek magazina e tij, pasi Urimi ishte në shtëpinë e tij.
