Milani ka arritur një fitore dramatike në transfertë, duke mundur Torinon me rezultatin 2-3 pas një përmbysjeje të çmendur.
Takimi, i fundit për javën e 14-të të Serie A, nisi më së miri për vendasit. Torino kaloi në avantazh në minutën e 10’ me anë të një penalltie të realizuar nga Vlasic, ndërsa vetëm shtatë minuta më vonë, Zapata dyfishoi shifrat.
Megjithatë, kuqezinjtë reaguan shpejt. Në minutën e 24’, Rabiot shënoi një supergol nga distanca, duke rikthyer shpresat për ekipin e Stefano Piolit.
Gjithçka mori tjetër rrjedhë në minutën e 66’, kur në lojë u fut Christian Pulisic. Vetëm një minutë pas hyrjes në fushë, amerikani barazoi rezultatin, ndërsa në minutën e 77’ shënoi edhe golin e përmbysjes së madhe.
Me këtë fitore, Milani ngjitet sërish në vendin e parë të renditjes me 31 pikë, po aq sa Napoli dhe një më shumë se Interi.
