Roma ka pësuar dy humbje radhazi në kampionat për herë të parë në vitin 2025. Pas disfatës 0–1 ndaj Napolit javën e kaluar, Giallorossët u mposhtën me të njëjtin rezultat edhe nga Cagliari në javën e 14-të të Serie A.
Sipas Opta, është hera e parë këtë vit që Roma humb dy ndeshje rresht dhe gjithashtu hera e parë që ekipi nuk shënon në dy ndeshje radhazi që nga nëntor–dhjetor 2024, kur u mund nga Napoli dhe Atalanta.
Pas këtij rezultati, verdhekuqtë bien në vend të katërt me 27 pikë, duke hyrë në një moment forme të dobët.
