Të gjithë sytë janë të drejtuar nga Uashingtoni, ku do të hidhet shorti final i Botërorit 2026, ngjarje e cila pritet me shumë emocion.
Pjesëmarrësit janë përgatitur me entuziazëm, pasi do të mësoshin fazën e grupeve për këtë turne të jashtëzakonshëm, që për herë të parë do të përfshijë 48 skuadra, të ndara në 12 grupe me nga 4 ekipe.
Derisa 42 ekipe kanë siguruar vendin e tyre në Botëror, 6 skuadra, përfshirë Kombëtarja shqiptare dhe ajo e Kosovës, do të garojnë për t’u kualifikuar përmes fazës së playoffs.
Këto skuadra, ende të paqarta, do të përfshihen në shortin e grupit. Shorti do të zhvillohet sipas një modeli të ngjashëm me ata të mëparshëm, duke filluar me skuadrat e vazo-së së parë.
Vendet pritëse, Meksika, Kanadaja dhe SHBA do të dinë paraprakisht se në cilin grup do të vendosen, ndërsa skuadrat tjera të kategorive të ndryshme do të ndahen në grupe për të siguruar një ndarje më të ekuilibruar.
Këto masa synojnë që skuadrat më të forta të mos përballen mes tyre para finales nëse ato arrijnë të fitojnë grupet e tyre. Vazoja e dytë, e tretë dhe e katërt do të përcaktojnë pozitat e skuadrave në grupet përkatëse, duke u bazuar në skemën e përcaktuar.
Nëse Kombëtarja shqiptare dhe Kosova kualifikohen, do të jenë në vazon e katërt me ekipe si Jordania, Kepi i Gjelbër dhe Gana.
Po ashtu, në këtë vazo do të përfshihen fituesit e playoff-eve, përfshirë ekipet nga Europa dhe nivele të tjera ndërkontinentale.
Ceremonia do të fillojë në orën 18:00 me një performancë nga Andrea Bocelli, e cila premton të jetë një hapje festive për këtë ngjarje të madhe.
Shorti premton sfida interesante dhe një mundësi të re për ekipet që ëndërrojnë të tregojnë veten në një nga kompeticionet më të njohura të futbollit në botë.
