Një video krejt e papritur është publikuar në llogarinë e këngëtares Xhensila Myrtezaj. Ndryshe nga herët e tjera ku artistja ka postuar pamje nga koncertet e saj “zjarr” si dhe nga anxhenda tepër e ngarkuar, kësaj here ka ardhur me një lajmërim për të gjithë fansat.
Xhensila ka njoftuar se ka anuluar të gjitha koncertet pasi ndodhet në një gjendje jo të mirë shëndetësore, gjë e cila e ka detyruar që të mos dalë në skenë për të performuar.
Ajo bën me dije se është duke iu nënshtruar një trajtimi dhe se shumë shpejt do të bëhet mirë dhe të rikthehet më e fortë se kurrë.
“Nuk më ka ndodhur kurrë që të anuloj një koncert ose një event për shkaqe shëndetësore apo personale, e kam mbajtur veten për gocë të fortë, por ndonjëherë shëndeti nuk pyet se sa dëshirë apo forcë ke ti për të punuar.
Mjekja më sugjeroi, në fakt ishte një urdhër që duhet të vazhdoj një terapi venoz dy herë në ditë derisa ta marr veten, është çështje ditësh dhe unë e di që do të vij sërish më e fortë se kurrë për koncertet e tjera të radhës dhe për të qenë pranë jush”, tha Xhensila.
