Një ngjarje e pazakontë ka ndodhur në Pogradec, ku punonjësit të policisë i është vjedhur arma e shërbimit në banesë.
“Më datë 04.12.2025, shtetasi T. Ç., 48 vjeç, banues në Pogradec dhe punonjës policie në IEVP Drenovë, ka kallëzuar në polici se gjatë kohës që banesa ka qenë e pambikëqyrur, persona ende të paidentifikuar i kanë vjedhur armën e shërbimit”, njofton policia.
Menjëherë pas njoftimit, shërbimet e Policisë së Pogradecit kanë nisur veprimet hetimore për zbardhjen e ngjarjes.
Aktualisht po kontrollohen kamerat e sigurisë në zonë dhe po kryhen të gjitha procedurat e nevojshme për identifikimin dhe kapjen e autorit/ëve.
Ngjarja mbetet në hetim.
