Katër dronë ushtarakë shkelën një zonë ndalim-fluturimi dhe fluturuan drejt aeroplanit të Volodymyr Zelensky përpara se të ulej në aeroportin e Dublinit të hënën, bëjnë me dije mediat e huaja.
Dronët arritën në vendin ku pritej të ishte aeroplani i presidentit ukrainas, por fluturimi u ul pak përpara orarit në orën 23:00, raportom The Journal.
Dronët e paidentifikuar më pas orbituan mbi një anije të Marinës Irlandeze që ishte vendosur e fshehur në Detin Irlandez përpara vizitës së parë të Zelenskit në Irlandë.
Burimet i thanë The Journal se dronët u ngritën në verilindje të Dublinit përpara se të fluturonin për dy orë. Nuk dihet se kush i nisi dronët ose vendndodhja e tyre aktuale.
Burimet e sigurisë dyshojnë se dronët synonin të prishnin mbërritjen e Zelenskit në Dublin.
Ata thanë gjithashtu se dronët ishin të gradës ushtarake dhe se incidenti mund të klasifikohej si një akt lufte hibride.
Publikut iu tha shprehimisht se kishte një “zonë pa dron” mbi Dublin për udhëtimin e Zelenskit.
Më vonë, gazeta Irish Times raportoi se pesë dronë dhe jo katër kishin shkelur zonën e ndalimit të fluturimit. Kjo shkaktoi një alarm të madh sigurie, por burimet i thanë gazetës se avioni i zotit Zelensky ishte pak më herët dhe nuk ishte kurrë në rrezik.
Shërbimet ruse të sigurisë kanë më shumë gjasa të fajësohen, thanë burimet për Irish Times, por shtuan se nuk kishte prova të drejtpërdrejta për këtë.
Dronët kishin dritat e ndezura dhe dukej se “donin të shiheshin”, tha një burim sigurie. “Ata kishin aftësinë dhe qëllimin. Ata mund të kishin ndërmarrë veprime në çdo moment që do të zgjidhnin.”
Departamenti i mbrojtjes refuzoi të komentonte për shkak të arsyeve të sigurisë operative.
Barry Andrews, një eurodeputet i Fianna Fáil, tha: “Është një vepër penale të operosh një dron brenda kësaj zone pa leje.” Ai falënderoi Autoritetin Irlandez të Aviacionit dhe policinë për mbajtjen e sigurt të zotit dhe znj. Zelensky.
