Presidenti rus Vladimir Putin është “moralisht përgjegjës” për vdekjen e një gruaje britanike, e cila vdiq pas përdorimit të agjentit nervor Novichok, i cili ishte infiltruar në Britani nga agjentë rusë me qëllim që të asgjësojnënjë ish-spiun, përfundoi një hetim.
Kreu i hetimit, Lord Hughes i Ombersley, tha se tentativa e vrasjes ndaj ish-agjentit Sergei Skripal në Salisbury në mars 2018 “duhej të ishte autorizuar në nivelin më të lartë” nga Putin.
Ai e cilësi këtë akt si “jashtëzakonisht të papërgjegjshëm”, duke theksuar se rreziku që njerëz të tjerë, përveç synimit, mund të ishin vrarë ose lënduar, ishte plotësisht i parashikueshëm.
Qeveria britanike vendosi sanksione ndaj agjencisë së inteligjencës GRU të Rusisë dhe thirri ambasadorin e Moskës pas publikimit të rezultateve të hetimit.
Kryeministri britanik Keir Starmer theksoi se gjetjet e Hughes janë një kujtesë e rëndë për indiferencën e Kremlinit ndaj jetëve të pafajshme.
Ngjarja ka filluar më 4 mars 2018, kur Skripal dhe vajza e tij, Yulia, u helmuar nga Novichok në shtëpinë e tyre. Të dy ata u sëmurën rëndë, por arritën të mbijetonin pas tentativës së helmimit.
Në anën tjetër, Dawn Sturgess vdiq më 8 korrik të të njëjtit vit, pasi përdori rastësisht agjentin nervor që kishte rënë në duar përmes një shisheje mbështjellë si të parfumit, e cila ndodhej në shtëpinë e të dashurit të saj në Amesbury, vetëm 11 kilometra nga Salisbury.
Kjo ngjarje e trishtueshme çoi qeverinë e drejtuar nga Kryeministrja Theresa May të njoftojë nëntorin e vitit 2018 se do të mbante një hetim publik mbi përdorimin e agjentit nervor në tokën britanike.
