Për të dytën ditë radhazi, aksi rrugor Kakavijë–Janinë do të jetë i bllokuar për shkak të protestës së fermerëve grekë.
Policia Kufitare në Kakavijë njofton se është informuar nga autoritetet kufitare greke, përmes qendrës së përbashkët të shkëmbimit të informacionit, se sot nga ora 16:00 deri në orën 21:00 (me orën greke), aksi rrugor Kakavijë–Janinë, në fshatin Kallpaq, do të jetë i bllokuar për shkak të protestës që do të zhvillojnë fermerët.
Sipas njoftimit, gjatë orëve të bllokimit do të lejohen të qarkullojnë vetëm automjetet me emergjenca shëndetësore.
Policia Kufitare Kakavijë u bën thirrje qytetarëve për mirëkuptim dhe u sugjeron të planifikojnë udhëtimet në orare të tjera të ditës, për të shmangur pritjet dhe vështirësitë në qarkullim.
