Kompania “Enactic” po zhvillon krahë robotikë me lëvizje që imitojnë ato njerëzore, të përdorura për kërkime mbi inteligjencën artificiale fizike. Këta krahë, të menaxhuar nga një operator në një helmetë VR, kanë potencialin për të kryer detyra të përditshme në shtëpi, si larjen e enëve dhe lavanderinë, veçanërisht në Japoninë ku mungon fuqia punëtore.
Kjo nismë shënon një hap të rëndësishëm për integrimin e AI-së në mjedisin fizik, përmes robotëve të avancuar, makinave vetëdrejtuese dhe pajisjeve autonome. Investimet masive nga kompanitë teknologjike po e zhvillojnë këtë fushë, dhe parashikimet nga Morgan Stanley sugjerojnë se deri në vitin 2050, numri i robotëve humanoidë mund të kalojë një miliard në të gjithë botën.
Sidoqoftë, ende ka sfida përpara. Në Guangzhou, Kina, “XPeng” prezantoi një robot humanoid me pamje atraktive, por aftësia e tij për të manipuluar objekte mbetet një pengesë. Kostoja e lartë e pjesët mekanike gjithashtu limitojnë zëvendësimin masiv të punonjësve në fabrikat kineze. Megjithatë, prodhuesit kanë besim se, me të dhëna të mjaftueshme dhe trajnim të avancuar, këta robotë mund të kryejnë një gamë të gjerë detyrash, duke përfshirë kujdesin për fëmijët, gatimin dhe kopshtarinë.
Në Japoni, “Enactic” po bashkëpunon me qendra kujdesi për të integruar robotët e tyre në punë më të rënda, duke lejuar që profesionistët të përqendrohen te nevojat e të moshuarve. Kjo përvojë ka të bëjë edhe me zhvillimin e modeleve të AI-së fizike, të cilat pritet të veprojnë ndaras në të ardhmen. Prospekti i robotikës humanoide duket tejet premtues, me mundësi të panumërta për të transformuar mënyrën se si punojmë dhe jetojmë.
