Personi që shihni në foto është Akil Gjeçi, 28-vjeçari që humbi jetën në orët e para të mëngjesit të sotëm në një aksident tragjik në autostradën Tiranë-Durrës.
I riu, me origjinë nga Tropoja, dyshohet se ka humbur kontrollin mbi automjetin që drejtonte, i cili më pas u përplas me bordurat anësore të rrugës.
“Më datë 27.11.2025, rreth orës 00:30, në autostradën Tiranë-Durrës, shtetasi A. Gj., 28 vjeç, dyshohet se ka humbur kontrollin mbi automjetin, dhe më pas automjeti është përplasur me bordurat anësore të rrugës.
Si pasojë, 28-vjeçari ka humbur jetën në spital. Punohet për sqarimin e rrethanave të aksidentit.”- njofton policia.
