Qeveria venezueliane shpalli sanksione ndaj gjashtë kompanive ndërkombëtare ajrore që kishin ndërprerë operacionet e tyre në Caracas. Ky vendim hyri në fuqi pas skadimit të një afati 48-orësh, që qeveria e presidentit Nicolás Maduro u kishte vendosur këtyre kompanive për të rinisur fluturimet. Kompanitë e prekuara përfshijnë Iberia, TAP, Turkish Airlines, Avianca, Latam Colombia dhe Gol, të cilat kishin anuluar fluturimet pas një paralajmërimi nga Administrata Federale e Aviacionit të SHBA (FAA), e cila kërkonte kujdes ekstrem për fluturimet mbi Venezuelën dhe Karaibe.
Ministri i Brendshëm të Venezuelës, Diosdado Cabello, shprehu qëndrim të fortë. Ai tha: “Qeveria kombëtare, në një vendim sovran, u tha kompanive: nëse nuk rinisni fluturimet brenda 48 orëve, atëherë mos u mundoni më.” Ai e theksoi se Venezuela ka të drejtën të vendosë se kush fluturon në hapësirën e saj ajrore.
Aktualisht, disa kompani si Copa, Wingo, Boliviana de Aviación, Satena dhe avionët lokalë Avior e Conviasa po vijojnë operacionet e tyre në vend.
Kjo krizë ndodhi në një kohë kur Shtetet e Bashkuara kanë forcuar një prani ushtarake në Karaibe si pjesë e Operacionit “Shigjeta e Jugut,” i shpallur në nëntor për të luftuar trafikimin e drogës. Forcat Ajrore të SHBA-së zbuluan se bombarduesit B-52H kishin realizuar demonstraime sulmesh në ujrat e Karaibeve.
Dy aeroporte në Domnikën do të përdoren përkohësisht për operacionet antitrafik, duke përfshirë Bazën Ajrore San Isidro dhe Aeroportin Ndërkombëtar Las Americas, të dyja në Santo Domingo.
Nënkryetarja e ekzekutivit, Delcy Rodríguez, bëri thirrje për qetësi, duke thënë se “rruga përpara nuk është të dërgosh anije apo të bësh kërcënime ushtarake.” Prokurori i përgjithshëm i Venezuelës, Tarek William Saab, njoftoi se dialogu i drejtpërdrejtë midis Nicolás Maduro dhe Donald Trump i cili e sheh kontaktin e tij me liderin venezuelian si një mundësi për të “shpëtuar shumë jetë” është i dëshiruar.
