Mediat gjermane njëzëri kanë raportuar se Manuel Neuer do të rinovojë me Bayern edhe për një sezon tjetër. Kontrata e tij aktuale skadon në qershor 2025.
Neuer pritet të firmosë përpara Krishtlindjeve, duke u konfirmuar si portier i bavarezëve, por jo detyrimisht si titullar i skuadrës.
Bayern, mesa duket, ka një plan shtesë për portën. Klubi bavarez po planifikon të ndërhyjë për të transferuar një portier tjetër, ose do të rikthejë Alexander Nübel me objektiv për t’i dhënë shansin të jetë titullar.
Me pak fjalë, në sezonin e ri Neuer nuk do të ketë një vend të sigurt si titullar, por do të përdoret si partner i portierit tjetër të bavarezëve, ndoshta edhe për ta mësuar me përvojën që ka.
