Këtë të martë, 25 nëntor, në territorin shqiptarin pritet që moti të jetë me vranësira e kthjellime herë pas here.
Reshjet e shiut do të nisin që në orët e para dhe do të jenë të dobëta në pjesën më të madhe të vendit. Gjatë ditës, në veriperëndim dhe jugperëndim mund të ketë shtrëngata të shkurtra.
Rreth mesditës dhe pasdites, reshjet forcohen në zonat si Vlora, Himara, Delvina, Velipoja, Shkodra dhe Lezha, ku mund të shfaqen shtrëngata më të forta të shoqëruara edhe me vetëtima.
Në Alpe dhe mbi 1500 metra lartësi parashikohen reshje bore me intensitet të ulët. Për shkak të reshjeve, dukshmëria do të jetë e reduktuar në disa zona.
Temperaturat parashikohet të lëvizin prej 13 deri në 17 °C.
