Pep Guardiola ka konfirmuar se Manchester City nuk do të ketë në dispozicion mesfushorin spanjoll për ndeshjen e nesërme të Ligës së Kampionëve.
Rodri është pranë rikthimit, por i duhet edhe pak kohë për të arritur formën e plotë fizike. Para ndeshjes së Grupit të Ligës së Kampionëve, të vlefshme për javën e pestë, ndaj Bayer Leverkusen, Guardiola tha se 29-vjeçari nuk do të jetë gati:
“Nuk do të zgjasë shumë, por ende s’është gati,” deklaroi Pep.
Rodri është në rehabilitim pas një dëmtimi në kofshë (hamstring) që pësoi në fillim të tetorit. Këtë sezon ai ka luajtur tetë ndeshje për City-n në të gjitha kompeticionet, por ende nuk ka shënuar apo asistuar.
