Një aksident raportohet të ketë ndodhur në qytetin e Durrësit.
Një 61-vjeçar, duke drejtuar mjetin në gjendje të dehur ka humbur kontrollin dhe është përplasur me një mjet tjetër.
Si pasojë e aksidentit nuk raportohet për persona të lënduar vetëm dëme materiale. Ndërkohë shoferi 61-vjeçar është arrestuar nga policia.
“Shërbimet e Policisë Rrugore arrestuan në flagrancë shtetasin T. B., 61 vjeç, banues në Durrës, pasi drejtonte automjetin në gjendje të dehur, dhe dyshohet se si pasojë e humbjes së kontrollit mbi drejtimin e tij, automjeti është përplasur me një automjet tjetër. Nga përplasja pati vetëm dëme materiale”,- thuhej në njoftimin e Policisë.
Materialet procedurale iu referuan Prokurorisë së Durrësit, për veprime të mëtejshme.
