Benita Zema, influencuesja dhe këngëtarja e njohur, tashmë është bërë banore e “BBV Kosova”, duke u kthyer menjëherë në qendër të vëmendjes. Së fundmi, ajo ka tërhequr interes të madh me dhëmbët e saj të diamantit, një investim që ka bërë shumë zhurmë në rrjetet sociale.
Fillimisht, gjatë një interviste në Canape, Benita deklaroi se procedura i kishte kushtuar 14 mijë euro. Megjithatë, pak ditë më vonë, ajo publikoi faturën zyrtare, ku vlera reale shënonte 18 mijë euro.
“Gjatë intervistës së fundit u tregova pak modeste duke thënë 14 mijë, por t’ju tregoj se faturën e kam, dhe më kanë kushtuar 18 mijë euro. Disa më bënë zbritje,” u shpreh ajo.
Ky detaj ka nxitur një valë të re diskutimesh online, ku ndjekësit janë treguar mjaft kuriozë për investimin e saj në estetikë.
Pavarësisht zhurmës së krijuar, Benita mbetet e fokusuar te rrugëtimi i saj në “Big Brother VIP”. Ajo ka premtuar të sjellë energji, dinamizëm dhe “vullkan” emocionesh brenda shtëpisë, duke u angazhuar të japë maksimumin në çdo sfidë dhe aktivitet.
Përfshirja e saj në këtë edicion ka rritur edhe më shumë interesin e publikut, duke e bërë Benitën një ndër personazhet më të pritur të sezonit. Fansat tashmë mezi presin të shohin se si do të zhvillohet rrugëtimi i saj dhe çfarë surprizash do të sjellë në ditët në vijim.
