Romë– Një 37-vjeçar shqiptar është arrestuar në Romë nga karabinierët e komisariatit në Casalotti, nën ngacmimin seksual të një nxënëseje të mitur italiane.
Sipas hetimeve, i dyshuari gjithnjë në të njëjtën ndalesë, në Via di Casalotti, në mëngjes, hipte në autobusin e mbushur me studentë dhe ka vënë në shënjestër të miturën, përmes kontakteve të përsëritura fizike. Episodi i fundit ndodhi pak ditë më parë.
E mitura e ka kundërshtuar dhe e përlotur ka telefonuar nënën e saj, me të cilën ka shkuar në kazermë për të raportuar se çfarë kishte ndodhur.
Policia nisi menjëherë kërkimet për identifikimin dhe kapjen e të dyshuarit.
Teksa këtë fillimjavë, sapo burri iu afrua sërish të miturës, kanë ndërhyrë efektivët e veshur si civilë, duke e arrestuar, njoftoi dje media italiane.
Shqiptari u dërgua në burgun Regina Coeli, ku Gjykata e Romës aprovoi arrestimin dhe urdhëroi vendosjen e tij në paraburgim.
