Aldo Bare, i dënuar me burgim të përjetshëm si kreu i “bandës së Lushnjës”, ka kërkuar që dënimi i tij të ulet, por Gjykata e Lartë ka refuzuar kërkesën.
Bare ka tentuar të marrë ulje të dënimit duke argumentuar se ka pasur sjellje të mirë gjatë qëndrimit në qeli. Kjo nuk ishte pranuar më parë nga gjykatat e tjera, ndaj ai iu drejtua Gjykatës së Lartë me një padi të dytë, duke u mbështetur në ligjin për të drejtat e të dënuarve.
Gjykata e Lartë, që kishte shqyrtuar më parë çështjen e tij, ka vendosur të lërë në fuqi dënimin me burg të përjetshëm, vendim i cili ishte konfirmuar në shtator të vitit 2022, dhjetë vjet pas vendimit të Apelit të vitit 2012. Para kësaj, Gjykata Kushtetuese kishte urdhëruar rigjykim të çështjes për shkak të shkeljeve procedurale.
Bare, i arrestuar në Turqi në vitin 2006, u ekstradua drejt Shqipërisë në fund të vitit 2009, duke mbërritur në Aeroportin “Nënë Tereza” nën një mbikëqyrje të rreptë nga forcat e sigurisë.
