Paola Janaqi, motra e Andon Janaqi-t, 36-vjeçarit shqiptar që u gjet i vdekur në banesë bashkë me gruan e tij, Anjeza Zeneli, ka folur për Top Channel mbi ngjarjen tragjike që ka tronditur familjen dhe komunitetin. Ajo kërkoi që trupi i vëllait të sillet në Shqipëri, duke shprehur shqetësimet për kushtet financiare dhe emocionale të familjes së saj.
Paola tregoi se kishte folur me vëllain një ditë para ngjarjes dhe ai kishte shprehur ndjenja stresi. Ajo e citoi duke thënë se ndiente ankth dhe se kishte dalë për një xhiro për të qetësuar veten. Pas bisedës, Paola e telefonoi sërish, por ai nuk i përgjigjej thirrjeve. “Më thanë që vdiq vëllai, të bëheni të fortë,” tha ajo, duke shprehur dhimbjen e saj dhe të familjes.
Paola theksoi se nuk kishte dijeni për ndonjë konflikt të mundshëm që Andon mund të ketë pasur, pasi ai gjithmonë kishte thënë se ishin mirë dhe se nuk duhej të shqetësoheshin. Ajo e shpreh shqetësimin për dy fëmijët e çiftit, njëri 9-vjeçar dhe tjetri 3-vjeçar. Ajo ka frikë se fëmijët do të marrë shteti dhe shprehu dëshirën që ata të rriten në familjen e saj dhe të marrin mbështetje nga gjyshja tjetër.
Në përfundim, Paola shprehu dëshirën për t’i sjellë fëmijët pranë saj, duke theksuar se kanë plagë në zemër për ta. Ngjarja e Andonit dhe Anjezës ka lënë pas një boshllëk të madh, jo vetëm për familjen e tyre, por edhe për komunitetin shqiptar të emigrartë në Francë. Ajo gjithashtu shpërfaqi ndjesinë e pasigurisë dhe brengosjes që ka krijuar ky episod i dhimbshëm, duke e bërë më të rëndësishëm angazhimin për mirëqenien e fëmijëve të tyre.
