Moderatori Ledion Liço ka reaguar menjëherë pas deklaratës së shkrimtarit dhe figurës së njohur të medias Ben Blushi, i cili po fliste rreth romanit të tij të fundit “Jam Mysliman”
Gjatë intervistës, biseda kaloi përtej letërsisë, duke u ndalur te prapaskenat e Top Channel, ku të dy kanë punuar më parë. Osmani e pyeti Blushin se kë do zgjidhte mes saj dhe Ledion Liços për të drejtuar një format reality.
Përgjigja e Blushit ishte e drejtpërdrejtë dhe zbuloi një detaj të panjohur më parë nga historia e Big Brother VIP.
“Ty patjetër! Ti je më e mira për atë punë. Më vjen keq që nuk e bën ‘Big’-un. Ata donin që ta bënte Ledioni, por unë nuk pranova. Vura veton për ty dhe bëra shumë mirë”, u shpreh Blushi, duke e vënë në siklet moderatoren.
Menjëherë pas kësaj Liço ka reaguar rrjetet sociale.
Ai publikoi një thënie të famshme të Jim Carrey: “Unë mendoj se të gjithë duhet të bëhen të pasur dhe të famshëm, që të kuptojnë se kjo nuk është përgjigjja”.
Postimi i Ledionit u interpretua nga ndjekësit si një reagim filozofik dhe disi ‘thumbues’ ndaj deklaratës së Blushit.
