Një 50-vjeçar i cili ishte në kërkim është arrestuar në Shkodër pasi akuzohet se ka kultivuar bimë kanabis në bashkëpunim me anëtarët e familjes së tij.
I arrestuari, identifikuar si Gj. Ç., u kap nga forcat e policisë në fshatin Aliaj, afër banesës së tij, ku janë gjetur dhe asgjësuar gjithsej 1600 bimë narkotike.
Njoftimi nga DVP Shkodër sqaron se ky arrestim u realizua pas një hetimi të thelluar nga Specialistët e Seksionit për Hetimin e Narkotikëve.
Ai është vënë në pranga pas vendimit nga Gjykata e Shkallës së Parë në Shkodër, e cila i caktuar masën e sigurisë “Arrest në burg” për veprën penale të kultivimit të bimëve narkotike në bashkëpunim.
Sipas informacioneve, hetimi ka zbuluar se Gj. Ç. së bashku me familjarët e tij kishin kultivuar këto bimë në tokën pranë shtëpisë së tyre.
