Policia australiane ka arrestuar një nënë dhe vajzën e saj në Sydney, me akuzën për një mashtrim financiar masiv të lidhur me komunitetin vietnamese, duke iu vjedhur atyre deri në 46 milionë dollarë australianë.
Të dyshuarat, pjesë e një sindikate të organizuar kriminale, akuzohen për përfshirje në pastrim parash dhe aktivitete mashtruese.
Arrestimi i tyre u krye në një rezidencë luksoze në Dover Heights, ku policia gjeti pasuri të shumta, përfshirë një shufër ari prej 40 gramësh, çanta luksoze, dhe dokumente të ndryshme që lidhnin dyshuarat me veprimtari të paligjshme. Hetimet janë zgjeruar dhe deri tani janë sekuestruar asete në vlerë deri në 60 milionë dollarë australianë.
Sipas hetimeve, nëna, një fallxhore dhe eksperte e feng shui-t, ka shfrytëzuar ndikimin tek komuniteti për të bindur viktimat që të merrnin kredi, duke u premtuar atyre se do të bëheshin miliarderë. Shumica e viktimave ishin individë me pak përvoja financiare, të cilët janë futur në borxhe për të investuar në projekte të paqëndrueshme, duke besuar se do të merrnin ndihmën e një “miliarderi” të parashikuar nga fallxhorja.
Ky rast ka merr dimensione më të mëdha pas zbardhjes së operacionit “Strike Force Myddleton”, i cili ka identifikuar një sindikatë të përfshirë në mashtrime të shumta për kredi të luksit dhe pastrimin e parave. Hetuesit besojnë se grupi ka përdorur identitete të vjedhura për të marrë kredi për makina të paekzistuese dhe për blerjen e pronave të shtrenjta në Sydney.
Policia ka paralajmëruar se priten arrestime të tjera, përfshirë avokatë, kontabilistë dhe zhvillues pasurish, duke sugjeruar se ky operacion ka përmasat e një skeme shumë më të gjerë mashtrimi. Ky rast ka ngritur shqetësime të mëdha lidhur me sigurinë e financiare dhe mbrojtjen e viktimave në komunitete të caktuara në Australi.
