Këngëtarja britanike Adele, fituese e çmimeve Grammy, do të bëjë debutimin e saj në aktorësi në një film të ri nga dizajneri dhe regjizori Tom Ford. Ky projekt është një adaptim i romanit “Cry to Heaven” të Anne Rice, shkruar në vitin 1982. Ky do të jetë filmi i tretë i Ford, pas adaptimit të romanit “A Single Man” në vitin 2009 dhe trilerit “Nocturnal Animals” në vitin 2016.
Historia e “Cry to Heaven” zhvillohet në Italinë e shekullit të 18-të dhe ndjek një dyshe të pabesueshme: një nobel venecian dhe një maestro i kastruar që punojnë së bashku me shpresën për të lënë gjurmë në botën e operës. Sipas Deadline, Adele do të luajë së bashku me emra të njohur si Colin Firth, Mark Strong, Aaron Taylor-Johnson, Thandiwe Newton, Ciarán Hinds, George MacKay dhe Paul Bettany. Një tjetër emër i spikatur që do të marrë pjesë është Owen Cooper, i njohur si fituesi më i ri i çmimit Emmy për meshkuj në këtë vit.
Adele aktualisht po merr një pushim nga muzika pas një residencë të madhe në Las Vegas. Ajo ka shprehur se nuk ka plane për të publikuar muzikë të re në të ardhmen e afërt. “Dua një pushim të madh pas kësaj dhe mendoj se kam dëshirë të bëj gjëra të tjera krijuese, vetëm për një kohë,” tha ajo vitin e kaluar. Këngëtarja kishte paralajmëruar fansat se do të kishte një pritje të gjatë për albumin e saj të pestë, duke theksuar se nuk mendonte se do të shkruante muzikë për një kohë.
Tom Ford, i njohur për markën e tij të modës, e nisi karrierën e tij si drejtor krijativ tek Gucci dhe Yves Saint Laurent. Debutimi i tij në regji ishte me “A Single Man”, i nominuar për Oscar. Filmi i tij i dytë, “Nocturnal Animals”, fitoi çmimin e Jurisë në Venecia dhe mori nëntë nominime për BAFTA, përfshirë një nominim për aktorin mbështetës Michael Shannon.
Produksioni i “Cry to Heaven” është raportuar se është në fazën e para-prodhimit në Londër dhe Romë, me xhirimet që pritet të fillojnë në vitin e ardhshëm. Filmi pritet të publikohet në kinema më vonë në vitin 2026.
