Apple ka prezantuar produktin e ri “iPhone Pocket”, një aksesor i kufizuar në seri që kombinon funksionalitetin me modën.
Bëhet fjalë për një çantë të vogël, të krijuar në bashkëpunim me shtëpinë e famshme japoneze të modës ISSEY MIYAKE.
“iPhone Pocket” ka dizajn unik me thurje 3D, që e bën të duket si një copë pëlhure moderne, e aftë të përshtatet me çdo model iPhone, ndërsa ofron hapësirë për sende të vogla të përditshme.
Aksesorin mund ta gjeni në dy versione:
• me rrip të shkurtër, në çmimin 149 dollarë,
• dhe me rrip të gjatë, në çmimin 229 dollarë.
“IPhone Pocket” do të dalë në shitje të premten, më 14 nëntor 2025, në disa rajone të përzgjedhura dhe në Apple Store online.
Kompania e përshkruan këtë lançim si një bashkim mes teknologjisë dhe estetikës, duke iu drejtuar atyre që duan të mbajnë stilin dhe funksionalitetin në të njëjtin aksesor.
