Ish-deputeti i Partisë Demokratike, Myslim Murrizi ka qenë i ftuar mesditën e kësaj të mërkure në Top News ku dhe ka folur lidhur me situatën politike në vend, aksionin e opozitës, por dhe qëndrimet e ambasadorëve të huaj në vendin tonë.
I ndalur te zgjedhjet e 9 nëntorit, Murrizi u shpreh se ish-kryeministri Sali Berisha “ia fali” mazhorancës duke treguar kështu edhe njëherë mospërgjegjshmërinë e kësaj force politike ndaj elektoratit të vetë.
“O do shkosh në parlament ose s’do shkosh. Unë jam kundër bojkotit. Unë armikun që nuk ju binda tufës për të djegur mandatin thonë që ke pasur të drejtë. I braktisi 5 bashkitë në zgjedhjet që u bënë në dielën. Një opozitë e përgjegjshme mezi pret që të ketë zgjedhje, ose për të parë vetme, ose për të rreshtuar militantët që besojnë te ata. Këta thonë do të qërasëm me kandidatë të pavarur. Pse ekziston ti si opozitë?
Ata që ishin në listë të hapur janë deputetë. Kështu e thotë Kushtetuta. 7 deputetë të PD këta duhet të flasin në emër të sovranit dhe opozita duhet të jetë e përgjegjshme. Meqenëse u rehatuan në atë karrigen e tyre dhe i lanë edhe 5 bashkitë dhe as mish as peshk. Shqipëri edhe qentë të kenë të drejtë vote votojnë për një parti. Ku ka të pavarur këtu me?”, tha Murrizi teksa më tej u ndal dhe te ambasadorët e huaj, kryesisht te ai i Bashkimit Europian, Silvio Gonzato të cilit iu drejtua në gjininë femërore “Ambasadore”. Kjo për shkak të orientimit seksual të Gonzatos të cilin e ka deklaruar vetë më herët.
“Ai e deklaron që jam ambasadore. Po të jem unë e shkruaj kështu si them unë. Ti do të tjetërsosh dëshirën e tij, ai e ka deklaruar vetë. Unë jam zoti Murrizi se jam zoti Murrizi, nëse do të kisha thënë jam zonja murrizi ti s’më drejtoheshe dot zoti murrizi se unë hidhesha në punë”, tha ish-deputeti demokrat, të cilit ndonëse ju tërhoq vërejtja disa herë nga moderatorja Fjori Dardha, Murrizi vijoi duke insistuar te termi i përdorur pa u tërhequr nga deklarata e tij, ashtu sikurse bën gjithmonë.
Kjo deklaratë, e bërë në një televizion kombëtar, ka ngjallur reagime dhe është cilësuar e papranueshme, veçanërisht në një periudhë kur diskursi publik pritet të respektojë standardet e barazisë dhe të mosdiskriminimit, pas pezullimit të ish-kryeministrit Sali Berisha për deklarata të ngjashme ndaj ambasadorit Gonzato në parlament.
Ditë më parë kreu i Partisë Demokratike u pezullua me 10 ditë nga punimet në Kuvend, kjo pas deklaratave të bëra për Gonzaton, në lidhje me projektligjin për barazinë gjinore, ku e akuzoi diplomatin se “po imponon bindjet e tij personale”
