Kaosi në Parlamentin e Shqipërisë kulmoi me skena të tensionuara mes deputetëve të opozitës dhe Gardës së Republikës, pas burgosjes së deputetit të Partisë Demokratike, Ervin Salianji.
Gjatë seancës plenare, opozita organizoi një revoltë duke grumbulluar karriget në mes të sallës dhe më pas duke i djegur ato në oborrin e Parlamentit, si formë proteste ndaj qeverisë dhe arrestimit të Salianjit, të cilin opozita e konsideron një burgosje politike.
Kjo revoltë erdhi si shenjë e pakënaqësisë së opozitës ndaj qeverisë së Edi Ramës, të cilën e akuzojnë për represion politik.
Salianji deklaroi në rrjetet sociale mbështetjen e tij për çdo formë proteste të ndërmarrë nga kolegët e tij, duke theksuar se kjo është një betejë kundër qeverisë për të mbrojtur demokracinë (VIDEO)
Nga ana tjetër, Kryetarja e Kuvendit Elisa Spiropali kritikoi veprimet e opozitës, duke i quajtur një mungesë ekstreme respekti dhe duke i konsideruar si përpjekje për të kthyer Parlamentin në një skenë krimi. Ajo kërkoi që organet ligjzbatuese të ndërhyjnë për të garantuar rendin.
